Fisoterapie by Jan Kriel
Daar is twee fisioterapeute werksaam by Jan Krielskool. Dienste word gebied aan behoeftige leerders van Graad R tot 12.
Fisioterapie is gerig op die ontwikkeling van motoriese vaardighede soos balans en koördinasie. Fisiek-gestremde leerders ontvang terapie wat fokus op die bevordering van onafhanklikheid en/of die instandhouding van funksie.
Fisioterapie het die volgende ten doel:
Identifisering, assessering, ontwikkeling en behandeling van ontwikkelingsagterstande in leerders van Graad R tot Graad 3.
Aanpassings word in klasse gedoen deur middel van posisionering in banke sodat elke leerder in ‘n optimale sitposisie is om sodoende te help met hul aandag en konsentrasie.
Posisionering en verwysing van fisies gestremde leerders in rolstoele om sekondêre komplikasies te voorkom.
Behandeling van sportbeserings.
Betrokkenheid by die kwartaallikse assessering in die grondslagfase.
Terapie word aangebied op ‘n individuele- en kleingroep basis om motoriese vaardighede te ontwikkel en verbeter.
Terapiesessies om bogenoemde aan te spreek word volgens elke leerder se spesifieke behoeftes aangepas.
Strek- en mobiliseringsprogramme vir fisies gestremde leerders het ten doel om die spiersterkte en omvang van beweging by gewrigte te verbeter of behou.
Sport vir fisies gestremdes word aangebied as ‘n verlengstuk van terapie en om by te dra tot die ontwikkeling van ‘n gebalanseerde leefstyl.
Comments