Vier outisme-bewustheidsmaand
- Hilette Jan Kriel Instituut
- Apr 2
- 2 min read
April is Outisme-bewustheidsmaand. Op 2 April, Wêreld Outisme Dag, sluit @AutismSouthAfrica by die wêreldwye beweging aan om aanvaarding, insluiting en bemagtiging vir neurodiverse individue te bevorder. Vanjaar se tema is: 'Advancing Neurodiversity'
Dit is 'n geleentheid om 'n dieper begrip van Outisme Spektrum Versteuring (ASD) te bevorder, wanopvattings uit die weg te ruim, stigma en diskriminasie te help verminder deur 'n meer inklusiewe omgewing vir outistiese persone en hul gesinne te bevorder. In Suid-Afrika, waar hulpbronne vir neurodiverse individue beperk is, dien die dag as 'n belangrike herinnering aan die behoefte aan voorspraak, ondersteuning en sistemiese verandering.
Outisme, is 'n lewenslange ontwikkelingsgestremdheid. Dit beïnvloed die manier waarop hulle die wêreld sien en op stimuli in hul omgewing soos klank, lig, aanraking, ruimte, reuk en smaak reageer. Outisme staan ook bekend as 'n sosiale kommunikasie versteuring en affekteer vier groot areas van ontwikkeling, nl. taal en kommunikasie, sosiale interaksie, denkpatrone en gedrag.
Alhoewel Outisme 'n lewenslange toestand is, kan vroeë diagnose en intervensie 'n groot rol speel in prognose en die kind se ontwikkeling aansienlik beïnvloed. Gesinne kan gehelp word om hul kind se sterkpunte en uitdagings te verstaan en 'n persoonlike behandeling- en ondersteuningsplan te skep. Individue op die spektrum kan geleer word om hul simptome, soos angs, wat baie algemeen voorkom, te bestuur. Sodra 'n individu in staat is om hul angs te bestuur, is hulle in staat om ander vaardighede aan te leer wat belangrik is vir hul ontwikkeling.
@AutismSouthAfrica se missie is o.a. om die uniekheid, diversiteit en kreatiwiteit van Outistiese persone te vier, ondersteuning te bied aan hierdie individue en hul gesinne, en om veranderende behoeftes te identifiseer en aan te spreek en opleiding te verskaf. Hulle deel 'n paar feite rondom outisme:
Deur Outisme Bewusmakingsmaand te vier, sluit jy by 'n wêreldwye beweging aan wat aanvaarding, insluiting en bemagtiging vir neurodiverse individue bevorder. Saam kan ons 'n meer inklusiewe en aanvaardende samelewing vir almal skep.
Bronne https://theneuroverse.co.za/
Kommentarer